سیدنا عقبہ بن عامر رضی اللہ عنہ سے روایت ہے کہ ایک آدمی رسول اللہ صلی اللہ علیہ وسلم کے پاس آیا اور عرض کیا: ”اے اللہ کے رسول! ہم میں سے کوئی گناہ کر بیٹھتا ہے (تو کیا ہوتا ہے)؟“ آپ صلی اللہ علیہ وسلم نے فرمایا: ”اس کے خلاف (گناہ) لکھ لیا جاتا ہے۔“ اس نے پوچھا: ”پھر وہ اس سے استغفار کرتا اور توبہ کرتا ہے (تو؟)“ آپ صلی اللہ علیہ وسلم نے فرمایا: ”اسے بخش دیا جاتا ہے اور اس کی توبہ قبول کر لی جاتی ہے۔“ اس نے کہا: ”پھر وہ دوبارہ گناہ کر بیٹھتا ہے (تو؟)“ آپ صلی اللہ علیہ وسلم نے فرمایا: ”پھر اس کے خلاف لکھ لیا جاتا ہے۔“ اس نے کہا: ”پھر وہ اس سے استغفار کرتا اور توبہ کرتا ہے (تو؟)“ آپ صلی اللہ علیہ وسلم نے فرمایا: ”اسے بخش دیا جاتا ہے اور اس کی توبہ قبول کر لی جاتی ہے، اور اللہ تعالیٰ (معاف کرنے سے) نہیں اکتاتا یہاں تک کہ تم ہی اکتا جاؤ۔“
امام طبرانی رحمہ اللہ فرماتے ہیں: ”یہ حدیث عقبہ رضی اللہ عنہ سے صرف اسی سند سے مروی ہے، اس میں یزید بن ابی حبیب رحمہ اللہ منفرد ہیں۔“ [المعجم الأوسط/باب الميم/حدیث: 8689]