سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم کا یہ معمول تھا کہ جب کوئی شخص آپ صلی اللہ علیہ وسلم کا ہاتھ پکڑتا تو آپ صلی اللہ علیہ وسلم اپنا ہاتھ اس کے ہاتھ سے نہ کھینچتے، یہاں تک کہ وہ آدمی خود ہی چھوڑ دیتا۔ اور آپ صلی اللہ علیہ وسلم کا گھٹنا اپنے ہم نشین کے گھٹنے سے آگے بڑھا ہوا نہیں دیکھا جاتا تھا۔ اور جو کوئی آپ صلی اللہ علیہ وسلم سے بات کرتا تو آپ صلی اللہ علیہ وسلم اس کی طرف اپنا چہرہ مبارک متوجہ فرما لیتے اور اسے اس وقت تک نہ پھیرتے جب تک وہ اپنی بات سے فارغ نہ ہو جاتا۔
امام طبرانی رحمہ اللہ فرماتے ہیں: ”اس حدیث کو سعید مقبری رحمہ اللہ سے لیث رحمہ اللہ کے سوا کسی نے روایت نہیں کیا۔“ [المعجم الأوسط/باب الميم/حدیث: 8688]