سیدنا عبداللہ بن عمر رضی اللہ عنہما سے روایت ہے کہ انصار کا ایک آدمی نبی کریم صلی اللہ علیہ وسلم کے پاس آیا اور کہا: ”آپ نے ہمیں زکاۃ یعنی صدقۂ فطر ادا کرنے کا حکم دیا ہے، ہم اسے ادا کرتے ہیں، تو اگر ہمیں ایسے حکمران ملیں جو اسے اس کے مصارف میں خرچ نہ کریں تو ہمارا کیا ہوگا؟“ آپ صلی اللہ علیہ وسلم نے فرمایا: ”اسے اپنے حکمرانوں کو ادا کرو، کیونکہ ان سے اس کا حساب لیا جائے گا۔“
امام طبرانی رحمہ اللہ فرماتے ہیں: ”اس حدیث کو سالم سے حکم بن عبداللہ بن قیس بن مخرمہ کے سوا کسی نے روایت نہیں کیا، اور اس میں لیث منفرد ہیں۔“ [المعجم الأوسط/باب الميم/حدیث: 8695]