خارجہ بن زید بن ثابت رحمہ اللہ بیان کرتے ہیں کہ کچھ لوگ سیدنا زید بن ثابت رضی اللہ عنہ کے پاس آئے اور کہا: ”ہمیں رسول اللہ صلی اللہ علیہ وسلم کی کچھ احادیث سنائیے۔“ انہوں نے فرمایا: ”میں تمہیں کیا سناؤں؟ میں آپ صلی اللہ علیہ وسلم کا پڑوسی تھا، جب وحی نازل ہوتی تو آپ صلی اللہ علیہ وسلم میری طرف آدمی بھیجتے اور میں وحی لکھتا تھا۔ جب ہم آخرت کا ذکر کرتے تو آپ صلی اللہ علیہ وسلم بھی ہمارے ساتھ آخرت کا ذکر کرتے، جب ہم دنیا کا ذکر کرتے تو آپ صلی اللہ علیہ وسلم بھی ہمارے ساتھ دنیا کا ذکر کرتے، اور جب ہم کھانے پینے کا ذکر کرتے تو آپ صلی اللہ علیہ وسلم بھی ہمارے ساتھ اس کا ذکر کرتے۔ تو کیا میں یہ سب کچھ تمہیں آپ صلی اللہ علیہ وسلم کے بارے میں بیان کروں؟“
امام طبرانی رحمہ اللہ فرماتے ہیں: ”اس حدیث کو سلیمان بن خارجہ سے ولید بن ابی الولید کے سوا کسی نے روایت نہیں کیا، اور اس میں لیث منفرد ہیں۔“ [المعجم الأوسط/باب الميم/حدیث: 8697]