سیدنا ابو سعید خدری رضی اللہ عنہ سے روایت ہے کہ انہوں نے رسول اللہ صلی اللہ علیہ وسلم کو فرماتے ہوئے سنا: ”میں سویا ہوا تھا کہ (خواب میں) میں نے لوگوں کو دیکھا کہ وہ مجھ پر پیش کیے جا رہے ہیں اور ان پر قمیصیں ہیں، کسی کی قمیص سینے تک پہنچتی ہے اور کسی کی اس سے کم۔ اور میرے سامنے عمر بن خطاب رضی اللہ عنہ پیش کیے گئے، ان پر ایسی قمیص تھی جسے وہ گھسیٹ رہے تھے۔“ صحابہ کرام رضی اللہ عنہم نے پوچھا: ”اے اللہ کے رسول! آپ نے اس کی کیا تعبیر لی؟“ آپ صلی اللہ علیہ وسلم نے فرمایا: ”دین۔“ [المعجم الأوسط/باب الميم/حدیث: 8782]