ام المومنین سیدہ عائشہ رضی اللہ عنہا سے روایت ہے کہ رسول اللہ صلی اللہ علیہ وسلم نے فرمایا: ”فرشتے عنان یعنی بادل میں اس معاملے کا ذکر کرتے ہیں جو زمین میں ہونے والا ہوتا ہے، تو شیاطین ان سے ایک بات سن لیتے ہیں اور اسے کاہنوں کے کانوں میں ڈال دیتے ہیں، پھر وہ اس میں سو جھوٹ اور ملا دیتے ہیں۔“
امام طبرانی رحمہ اللہ فرماتے ہیں: ”یہ حدیث ابوالاسود رحمہ اللہ سے صرف سعید بن ابی ہلال رحمہ اللہ نے روایت کی ہے، اور سعید رحمہ اللہ سے صرف خالد رحمہ اللہ نے، اور لیث رحمہ اللہ اس میں منفرد ہیں۔“ [المعجم الأوسط/باب الميم/حدیث: 8803]