سیدنا جابر رضی اللہ عنہما سے روایت ہے کہ رسول اللہ صلی اللہ علیہ وسلم نے فرمایا: ”جن عورتوں کے شوہر گھر پر موجود نہ ہوں ان کے پاس نہ جایا کرو، کیونکہ شیطان انسان کے اندر خون کی طرح دوڑتا ہے۔“ صحابہ نے عرض کیا: ”اے اللہ کے رسول! کیا آپ کے اندر بھی؟“ آپ صلی اللہ علیہ وسلم نے فرمایا: ”ہاں، میرے اندر بھی، لیکن اللہ تعالیٰ نے اس کے مقابلے میں میری مدد فرمائی تو وہ مسلمان ہو گیا (یا میں اس کے شر سے محفوظ رہا)۔“ [المعجم الأوسط/باب الميم/حدیث: 8984]