امام شافعی رحمہ اللہ نے فرمایا: ”اگر کوئی کہنے والا کہے: نبی کریم صلی اللہ علیہ وسلم کے زمانے میں (یہ چیز) کس طرح فروخت کی جاتی تھی؟ تو ہم کہیں گے: اللہ بہتر جانتا ہے، البتہ جس طریقے پر ہم نے خرید و فروخت کرنے والوں کو پایا ہے وہ یہ ہے کہ اس کی تھوڑی مقدار ناپ کر بیچی جاتی ہے اور بڑی مقدار وزن کر کے بیچی جاتی ہے، اور روایات کی دلالت بھی اسی طریقے کے مطابق ہے جس پر ہم نے لوگوں کو پایا ہے۔“
سیدنا عمر بن خطاب رضی اللہ عنہ نے فرمایا: ”جب تک گھی اواق (اوقیوں) کے حساب سے بیچا جاتا رہے گا میں گھی نہیں کھاؤں گا۔“
اور اواق اس بات کے مشابہ ہیں کہ یہ ناپ (کا پیمانہ) ہوں۔ [السنن الكبرى للبيهقي/كتاب البيوع/حدیث: Q11125]

حضرت ابو بکرہ رضی اللہ عنہ فرماتے ہیں: حضرت عمر رضی اللہ عنہ کے پاس روٹی اور تیل لایا گیا، آپ نے فرمایا: اے پیٹ! جب تک گھی اوقیوں میں بیچا جائے گا تجھے روٹی اور تیل ہی پر گزارہ کرنا ہوگا۔ [السنن الكبرى للبيهقي/كتاب البيوع/حدیث: 11125]