(الف) بنی مخزوم کے غلام زیاد رحمہ اللہ فرماتے ہیں: ایک شخص سیدنا علی رضی اللہ عنہ کے پاس آیا اور وضو کے متعلق سوال کیا اور کہا: میں دائیں طرف سے شروع کروں یا بائیں طرف سے؟ تو سیدنا علی رضی اللہ عنہ نے (اس کے سوال کو حقیر جانتے ہوئے) منہ سے آواز نکال کر اس کا مذاق اڑایا، پھر پانی منگوایا اور دائیں کے بجائے بائیں سے شروع کیا۔
(ب) سیدنا علی رضی اللہ عنہ فرماتے ہیں: میں اس کی پروا نہیں کرتا، اگر میں دائیں سے پہلے بائیں سے شروع کروں۔
(ج) سیدنا علی رضی اللہ عنہ فرماتے ہیں: میں پروا نہیں کرتا جب میں مکمل وضو کروں جس عضو سے بھی میں شروع کروں۔
(د) یہ احتمال ہے کہ اس سے مراد حفص بن غیاث کی حدیث ہے۔ «وَاللّٰهُ أَعْلَمُ» ”اللہ بہتر جانتا ہے۔“ [السنن الكبرى للبيهقي/كتاب الطهارة/حدیث: 406]