سعید بن مسیب رحمہ اللہ فرماتے ہیں کہ سیدنا حسان بن ثابت رضی اللہ عنہ مسجد میں شعر پڑھ رہے تھے۔ سیدنا عمر رضی اللہ عنہ ان کے پاس سے گزرے تو ان کو تیز نظروں سے دیکھا اور فرمایا: کیا مسجد میں؟ سیدنا حسان بن ثابت رضی اللہ عنہ کہنے لگے: میں اس وقت اشعار پڑھا کرتا تھا جب آپ رضی اللہ عنہ سے بہتر موجود تھے یعنی نبی صلی اللہ علیہ وسلم ۔۔۔ راوی کہتے ہیں کہ وہ ڈرے کہ یہ بات نبی صلی اللہ علیہ وسلم کے ذمہ لگا دے گا۔ سیدنا عمر رضی اللہ عنہ نے ان کو اجازت دی اور چھوڑ دیا۔۔۔
(ب) سیدنا حسان بن ثابت رضی اللہ عنہ نے لوگوں سے پوچھا، ان میں سیدنا ابوہریرہ رضی اللہ عنہ بھی موجود تھے کہ میں تمہیں اللہ کی قسم دیتا ہوں کیا آپ رضی اللہ عنہ نے رسول اللہ صلی اللہ علیہ وسلم کو فرماتے ہوئے سنا: ”میری جانب سے قریش کو جواب دو، اللہ آپ کی مدد فرمائے جبرائیل کے ذریعے۔“
(ج) امام زہری رحمہ اللہ فرماتے ہیں: جس طرح سیدنا حسان بن ثابت رضی اللہ عنہ اسلام اور مسلمانوں کے دفاع میں اشعار پڑھتے تھے، مسجد میں اور مسجد کے علاوہ ہر جگہ جائز ہے۔ [السنن الكبرى للبيهقي/كتاب الصلاة/حدیث: 4349]