امام شافعی رحمہ اللہ نے اس بارے میں نبی کریم صلی اللہ علیہ وسلم سے قسم کے متعلق ثابت اس فرمان پر اعتماد کیا ہے: ”پس اسے چاہیے کہ وہ اپنی قسم کا کفارہ ادا کرے اور وہ کام کرے جو بہتر ہو۔“
پھر ان روایات پر اعتماد کیا ہے جو اس سلسلے میں نبی کریم صلی اللہ علیہ وسلم کے بعض صحابہ کرام سے ثابت ہیں، جن میں سیدنا عبداللہ بن عمر بن خطاب رضی اللہ عنہما شامل ہیں، وہ بسا اوقات قسم ٹوٹنے سے پہلے اس کا کفارہ ادا کر دیتے اور بسا اوقات قسم ٹوٹنے کے بعد کفارہ ادا کرتے تھے، اور اس کا (تفصیلی) مقام کتاب الایمان ہے۔
ہمیں ابو سعید نے خبر دی، (وہ کہتے ہیں) ہمیں ابوالعباس نے حدیث بیان کی، (وہ کہتے ہیں) ہمیں ربیع نے خبر دی، انہوں نے کہا کہ امام شافعی رحمہ اللہ نے فرمایا: اور نبی کریم صلی اللہ علیہ وسلم سے یہ روایت بھی بیان کی جاتی ہے، اور میں نہیں جانتا کہ یہ ثابت ہے یا نہیں، کہ نبی کریم صلی اللہ علیہ وسلم نے سیدنا عباس رضی اللہ عنہ کے مال کی زکوٰۃ اس کی مدت (حول) پوری ہونے سے پہلے ہی پیشگی لے لی تھی، اس سے مراد وہی ہے جو (بیان ہو چکا ہے)۔ [السنن الكبرى للبيهقي/كتاب الزكاة/حدیث: Q7365]

سیدنا علی رضی اللہ عنہ فرماتے ہیں کہ سیدنا عباس رضی اللہ عنہ نے رسول اللہ صلی اللہ علیہ وسلم سے اپنی زکوٰۃ کی جلد ادائیگی کا سوال کیا اس کے واجب ہونے سے پہلے تو آپ صلی اللہ علیہ وسلم نے انہیں اجازت دے دی۔ [السنن الكبرى للبيهقي/كتاب الزكاة/حدیث: 7365]