عبدالله بن شداد بن الہاد بیان کرتے ہیں: میں نے جمعہ کے دن سیدنا عثمان غنی رضی اللہ عنہ کو منبر پر دیکھا، انہوں نے عدنی تہبند باندھا ہوا تھا، جو موٹا تھا اور اس کی قیمت چار یا شاید پانچ درہم تھی اور ایک کوفی چادر لی ہوئی تھی، جس پر نقش و نگار بنے ہوئے تھے وہ بھرپور جسم کے مالک تھے۔ ان کی داڑھی لمبی تھی اور چہرہ خوبصورت تھا۔
یہ روایت امام طبرانی نے نقل کی ہے، اور اس کی سند حسن ہے۔ [مجمع الزاوئد ومنبع الفوائد/كتاب المناقب/حدیث: 14492]