عمرہ بیان کرتی ہیں: سیدہ عائشہ رضی اللہ عنہا بیمار ہو گئیں، ان کی بیماری طویل ہو گئی، ایک شخص مدینہ منورہ آیا، جو حساب کتاب لگایا کرتا تھا، سیدہ عائشہ رضی اللہ عنہا کے بھانجے گئے، اور اس سے سیدہ عائشہ رضی اللہ عنہا کے بارے میں دریافت کیا: تو اس نے کہا: اللہ کی قسم! تم اس خاتون کی جو صورت حال بیان کر رہے ہو، اس سے لگتا ہے کہ ان پر جادو ہوا ہے، لوگوں نے کہا: اس عورت نے ان پر جادو کیا ہے، اس نے سیدہ عائشہ رضی اللہ عنہا کی ایک کنیز کے بارے میں یہ کہا:، تو اس عورت نے یہ بتایا: جی ہاں! میں یہ چاہتی تھی کہ آپ مر جائیں اور میں آزاد ہو جاؤں، راوی بیان کرتی ہیں: وہ کنیز مدبرہ کے طور پر آزاد ہونی تھی، تو سیدہ عائشہ رضی اللہ عنہا نے فرمایا: اسے کسی ایسے شخص کے پاس بھیجو، جو عربوں میں سب سے زیادہ برا مالک ہو، اور پھر اس کی قیمت کو، اس جیسی کسی کنیز (کو خرید کر آزاد کرنے) میں خرچ کر دینا۔
یہ روایت امام أحمد نے نقل کی ہے، اور اس کے رجال صحیح کے رجال ہیں۔ [مجمع الزاوئد ومنبع الفوائد/كتاب العتق/حدیث: 7296]