حصین بن محصن بیان کرتے ہیں: ان کی پھوپھی نبی اکرم صلی اللہ علیہ وسلم کی خدمت میں حاضر ہوئی۔ نبی اکرم صلی اللہ علیہ وسلم نے ان سے دریافت کیا: کیا تم شوہر والی ہو اس نے عرض کی: جی ہاں نبی اکرم صلی اللہ علیہ وسلم نے فرمایا: تمہارا اس کے ساتھ کیسا تعلق ہے اس خاتون نے کہا: میں ان کے کسی کام میں کوتاہی نہیں کرتی صرف اس کام کا معاملہ مختلف ہے جس سے میں عاجز آ جاؤں نبی اکرم صلی اللہ علیہ وسلم نے ارشاد فرمایا: تم اس کے بارے میں کیا سمجھتی ہو وہ تمہاری جنت ہے، اور وہ تمہاری جہنم ہے“۔
یہ روایت امام أحمد نے اور امام طبرانی نے معجم کبیر اور معجم اوسط میں نقل کی ہے۔ تاہم اس میں یہ الفاظ ہیں: ”تم اس بات کا جائزہ لو کہ تم اس کے ساتھ کیسی ہو“۔ اس کے رجال صحیح کے رجال ہیں صرف حصین نامی راوی کا معاملہ مختلف ہے، اور وہ ثقہ ہے۔ [مجمع الزاوئد ومنبع الفوائد/كتاب النكاح/حدیث: 7637]