سیدنا عبداللہ بن عباس رضی اللہ عنہما روایت کرتے ہیں: نبی اکرم صلی اللہ علیہ وسلم نے ارشاد فرمایا ہے: ”جو شخص اللہ کی کتاب کی پیروی کرے گا، اللہ تعالیٰ اُسے گمراہی سے (بچا کر) ہدایت نصیب کرے گا اور قیامت کے دن اسے برے حساب سے محفوظ رکھے گا، اس کی (دلیل) یہ ہے کہ اللہ تعالیٰ نے ارشاد فرمایا ہے: ”اور جو شخص میری ہدایت کی پیروی کرے گا، تو وہ گمراہ نہیں ہو گا اور بدنصیب نہیں ہو گا۔“
یہ روایت امام طبرانی نے معجم کبیر اور معجم اوسط میں نقل کی ہے، اس کی سند میں ایک راوی ابوشیبہ ہے اور وہ انتہائی ضعیف ہے۔ [مجمع الزاوئد ومنبع الفوائد/كتاب العلم/حدیث: 781]