سیدہ عائشہ صدیقہ رضی اللہ عنہا سے روایت ہے کہ رسول اللہ صلی اللہ علیہ وسلم نے ارشاد فرمایا: ”بیشک اللہ تعالیٰ (بیت اللہ کا) طواف کرنے والوں پر (فرشتوں کے سامنے) فخر فرماتا ہے“۔
اس روایت کی سند کے متعلق وضاحت کی گئی ہے کہ اس میں مذکور راوی عائذ دراصل ابنِ نصیر ہیں جو کہ ضعیف ہیں، اسی طرح ابن السَّمَّاک جن کا نام محمد بن صبیح ہے، ان میں بھی ضعف پایا جاتا ہے۔ [المطالب العالية بزوائد المسانيد الثمانية/كتاب الحج/حدیث: 1216]