سیدنا انس بن مالک رضی اللہ عنہ سے روایت ہے کہ وہ ان اشیاء کے استعمال کے بعد وضو کیا کرتے تھے جنہیں آگ نے (پکا کر) تبدیل کر دیا ہو، اور وہ یہ تذکرہ بھی کرتے تھے کہ ”سیدنا ابو طلحہ رضی اللہ عنہ نے بھی ایسی چیز کے کھانے کے بعد وضو فرمایا تھا جسے آگ نے بدلا (یعنی پکایا) تھا۔“
اس اثر کی سند صحیح ہے اور یہ آگ سے پکی ہوئی چیزوں کے کھانے سے وضو کے اس ابتدائی حکم پر محمول ہے جو بعد ازاں منسوخ ہو گیا تھا۔ [المطالب العالية بزوائد المسانيد الثمانية/كتاب الطهارة/حدیث: 124]