محمد بن ابی عمر اور احمد بن منیع نے وکیع اور قبیصہ سے، ان دونوں نے سفیان سے، انہوں نے مصعب بن محمد سے، اور قبیصہ کی ایک روایت میں ابن مینا سے انہوں نے ایک انصاری بزرگ سے، جبکہ وکیع کی ایک روایت میں اہل مدینہ کے ایک شخص سے روایت کیا ہے کہ رسول اللہ صلی اللہ علیہ وسلم نے ارشاد فرمایا: ”جس شخص نے کوئی چوری شدہ چیز خریدی درآنحالیکہ وہ جانتا تھا کہ وہ چوری کی ہے، تو وہ اس کے گناہ اور اس کی عار و رسوائی میں شریک ہو گیا۔“ [المطالب العالية بزوائد المسانيد الثمانية/كتاب البيوع/حدیث: 1346]