سیدہ عائشہ رضی اللہ عنہا سے روایت ہے کہ ”نبی کریم صلی اللہ علیہ وسلم (بسا اوقات) ہنڈیا کے پاس سے گزرتے تو اس میں سے ایسی ہڈی اٹھا لیتے جس پر گوشت لگا ہوتا اور اس میں سے کچھ تناول فرما لیتے، پھر آپ صلی اللہ علیہ وسلم (مزید وضو کیے بغیر) نماز ادا فرماتے اور (دوبارہ) وضو نہیں کرتے تھے۔“
اس حدیث کی سند قوی ہے اور اسے امام ابن ابی شیبہ نے روایت کیا ہے، یہ اس امر پر دال ہے کہ آگ پر پکی ہوئی چیز کھانے سے وضو نہیں ٹوٹتا۔ [المطالب العالية بزوائد المسانيد الثمانية/كتاب الطهارة/حدیث: 154]