سیدہ ام ایمن رضی اللہ عنہا سے روایت ہے کہ انہوں نے رسول اللہ صلی اللہ علیہ وسلم کو اپنے اہل خانہ میں سے کسی کو یہ نصیحت فرماتے ہوئے سنا کہ ”اپنی وسعت و استطاعت کے مطابق اپنے اہل و عیال پر خرچ کرو، ان کی تربیت و تادیب کے لیے ان سے اپنی لاٹھی نہ اٹھاؤ (یعنی ان کی نگرانی سے غافل نہ ہو) اور انہیں اللہ عزوجل کی نافرمانی اور اس کی گرفت سے ڈراتے رہو۔“
امام ابو یعلیٰ نے بھی اپنی سند کے ساتھ اسی حدیث کو روایت کیا ہے
نیز امام عبد بن حمید نے امام زہری کا یہ قول نقل کیا ہے کہ جس شخصیت کو یہ وصیت فرمائی گئی تھی وہ سیدنا ثوبان رضی اللہ عنہ تھے۔ [المطالب العالية بزوائد المسانيد الثمانية/كتاب الوليمة/حدیث: 1758]