سیدہ ام سلمہ رضی اللہ عنہا سے روایت ہے کہ رسول اللہ صلی اللہ علیہ وسلم نے ارشاد فرمایا: ”جس شخص کی دو بیٹیاں، یا دو بہنیں، یا دو (اسی طرح کی دیگر) قریبی رشتہ دار خواتین ہوں، پھر وہ ان پر (ان کی ضروریاتِ زندگی کے لیے) اس وقت تک خرچ کرے جب تک کہ وہ ان کے لیے کافی ہو جائے یا اللہ تعالیٰ اپنے فضل و کرم سے انہیں غنی و بے نیاز کر دے، تو وہ (خواتین) اس کے لیے جہنم کی آگ سے آڑ بن جائیں گی۔“ [المطالب العالية بزوائد المسانيد الثمانية/كتاب الوليمة/حدیث: 1759]