عُمَیْر بِنْ اِسْحَاق رَحِمَہُ اللہُ سے روایت ہے کہ رسول اللہ صلی اللہ علیہ وسلم نے سَیِّدُنَا مِقْدَاد بِنْ اَلْاَسْوَد رَضِیَ اللہُ عَنْہُ کو ایک لشکر کا امیر بنا کر روانہ فرمایا، جب وہ واپس آئے تو آپ صلی اللہ علیہ وسلم نے دریافت فرمایا: ”تم نے اپنے لشکر اور امارت کو کیسا پایا؟“ انہوں نے عرض کیا: ”میں مسلسل اسی کیفیت میں رہا یہاں تک کہ مجھے یہ گمان ہونے لگا کہ جو لوگ میرے ساتھ ہیں وہ میرے «خَوَلٌ» ”خادم و غلام“ ہیں، پس اللہ کی قسم! میں جب تک زندہ ہوں، کبھی دو آدمیوں کی امارت (سربراہی) بھی قبول نہیں کروں گا۔“
اس حدیث کی سند جید ہے اور اسے امام مسدد نے اپنی مسند میں روایت کیا ہے۔ [المطالب العالية بزوائد المسانيد الثمانية/كتاب الخلافة والإمارة/حدیث: 2097]