سیدنا ابوہریرہ رَضِیَ اللہُ عَنْہُ سے روایت ہے کہ رسول اللہ صَلَّى اللہُ عَلَیْہِ وَسَلَّمَ نے ایک «سَرِیَّة» (لشکری مہم) روانہ فرمائی اور ان کی علمی استعداد جانچنے کے لیے ان سے قرآن سنا، پہلے ایک معمر شخص نے تلاوت کی، پھر ایک نوجوان نے قرأت کی تو آپ صلی اللہ علیہ وسلم نے اسی نوجوان کو ان کا امیر مقرر کر دیا، اس پر اس بزرگ نے عرض کیا: ”کیا آپ نے اسے مجھ پر امیر مقرر فرما دیا ہے حالانکہ میں عمر میں اس سے بڑا ہوں؟“ تو آپ صَلَّى اللہُ عَلَیْہِ وَسَلَّمَ نے ارشاد فرمایا: ”بے شک اسے تم سے زیادہ «قُرْآنِ کَرِیم» یاد ہے۔“
احمد بن منیع رَحِمَہُ اللہُ نے اسے اپنی «مُسْنَد» میں روایت کیا ہے۔ [المطالب العالية بزوائد المسانيد الثمانية/كتاب الخلافة والإمارة/حدیث: 2114]