سیدنا ابوہریرہ رضی اللہ عنہ سے روایت ہے کہ ”رسول اللہ صلی اللہ علیہ وسلم نے زمانہ جاہلیت کے اشعار (پڑھنے اور سننے) کی رخصت عطا فرمائی، سوائے امیہ بن ابی الصلت کے اس قصیدے کے جو اس نے اہل بدر (کے مشرکین) کے بارے میں کہا تھا، اور اعشیٰ کے اس قصیدے کے جس میں اس نے عامر اور علقمہ کا تذکرہ کیا تھا۔“
تخریج و تحکیم: اس روایت کو امام ابو یعلیٰ نے اپنی مسند (حدیث: 2601) میں روایت کیا ہے، اس کی سند میں ابوبکر الہذلی نامی راوی موجود ہے جو کہ ضعیف اور متروک الحدیث ہے، اس لیے یہ روایت سنداً ضعیف ہے۔ [المطالب العالية بزوائد المسانيد الثمانية/كتاب الأدب/حدیث: 2601]