سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے ارشاد فرمایا: ”ایک مسلمان دوسرے مسلمان کا آئینہ ہے، پس جب وہ اپنے بھائی میں کوئی ناپسندیدہ چیز (یا عیب) دیکھے تو اسے چاہیے کہ وہ اسے دور کر دے (یعنی مخلصانہ نصیحت کے ذریعے اس کی اصلاح کر دے)۔“
اس حدیث کو امام احمد بن منیع نے روایت کیا ہے؛ اس کی سند میں یحییٰ بن عبید اللہ نامی راوی جمہور محدثین کے نزدیک ضعیف ہے، اس لیے یہ روایت سنداً ضعیف ہے، تاہم حدیث کا پہلا حصہ دیگر مستند شواہد کی بنا پر صحیح ہے۔ [المطالب العالية بزوائد المسانيد الثمانية/كتاب الأدب/حدیث: 2734]