سیدہ عائشہ رضی اللہ عنہا سے روایت ہے کہ نبی کریم صلی اللہ علیہ وسلم کا گزر ایک ایسے مقام سے ہوا جسے «غَبَرَةُ» ”غبرہ“ (یعنی دھول مٹی والی یا بے رونق زمین) کہا جاتا تھا، تو آپ صلی اللہ علیہ وسلم نے (اس کے نام کی ناپسندیدگی کے پیشِ نظر) ارشاد فرمایا: ”یہ «خَضِرَةُ» ”خضرہ“ (یعنی سرسبز و شاداب اور بارونق زمین) ہے“۔
یہ حدیث مسند احمد میں مروی ہے اور اس کے راوی ثقہ ہیں، آپ صلی اللہ علیہ وسلم کی عادتِ مبارکہ تھی کہ آپ صلی اللہ علیہ وسلم ناپسندیدہ یا منحوس مفہوم رکھنے والے ناموں کو اچھے اور بابرکت ناموں سے تبدیل فرما دیا کرتے تھے۔ [المطالب العالية بزوائد المسانيد الثمانية/كتاب الأدب/حدیث: 2803]