سیدنا عبداللہ بن عباس رضی اللہ عنہما سے روایت ہے کہ رسول اللہ صلی اللہ علیہ وسلم نے فرمایا: ”اللہ عزوجل ارشاد فرماتا ہے: «مَنْ تَأَلَّى عَلَى عَبْدِي، أَدْخَلْتُ عَبْدِي الْجَنَّةَ وَأَدْخَلْتُهُ النَّارَ» ”جس کسی نے میرے کسی بندے کے متعلق (تکبر یا خود پسندی کی بنا پر اللہ کی) قسم کھائی (کہ میں اسے معاف نہیں کروں گا)، تو میں نے اپنے اس بندے کو تو جنت میں داخل کر دیا اور اس (قسم کھانے والے) کو جہنم میں جھونک دیا ہے“۔
تخریج: اس حدیث کو امام بیہقی نے شعب الایمان (3001) میں روایت کیا ہے، اور اس کا شاہد صحیح مسلم (2621) میں حضرت جندب رضی اللہ عنہ سے مروی ہے، علامہ البانی نے اسے صحیح قرار دیا ہے۔ [المطالب العالية بزوائد المسانيد الثمانية/كتاب الإيمان والتوحيد/حدیث: 3001]