سیدنا علی رضی اللہ عنہ سے روایت ہے کہ میں نے نبی کریم صلی اللہ علیہ وسلم سے ﴿الصَّلَاةِ الْوُسْطَىٰ﴾ [سورة البقرة: 238] یعنی درمیانی نماز کے متعلق دریافت کیا تو آپ صلی اللہ علیہ وسلم نے ارشاد فرمایا: ”یہ عصر کی نماز ہے جس میں (جنگِ خندق کے موقع پر) کوتاہی ہو گئی تھی۔“
اسے امام مسدد نے روایت کیا ہے، اس کی سند میں حارث بن عبداللہ الاعور کی وجہ سے کلام ہے، لیکن عصر کی نماز کا صلاۃِ وسطیٰ ہونا صحیح بخاری و مسلم کی دیگر مستند احادیث سے ثابت ہے۔ [المطالب العالية بزوائد المسانيد الثمانية/كتاب التفسير/حدیث: 3538]