سیدنا انس رضی اللہ عنہ سے روایت ہے کہ نبی کریم صلی اللہ علیہ وسلم نے میرے لیے جو دعائیں فرمائیں ان میں سے یہ بھی تھی: «اللَّهُمَّ، آتِهِ مَالًا وَوَلَدًا» ”اے اللہ! اسے مال اور اولاد عطا فرما۔“ سیدنا انس رضی اللہ عنہ بیان کرتے ہیں کہ میں کسی ایسے شخص کو نہیں جانتا جس نے زندگی کی خوشحالی اور معیشت کی آسودگی کو مجھ سے بڑھ کر حاصل کیا ہو، اور بے شک میں نے اپنے ان دونوں ہاتھوں سے اپنی صلب سے پیدا ہونے والی اولاد میں سے ایک سو سے زائد افراد کو دفن کیا ہے، اور میں تمہارے سامنے اس شمار میں نہ پوتوں (اولاد کی اولاد) کو شامل کر رہا ہوں اور نہ ہی ضائع ہو جانے والے حمل کو۔
یہ حدیث دیگر محدثین کے ہاں ان الفاظ کے علاوہ دوسرے الفاظ کے ساتھ تخریج کی گئی ہے۔ [المطالب العالية بزوائد المسانيد الثمانية/كتاب المناقب/حدیث: 3810]