سیدنا انس رضی اللہ عنہ سے روایت ہے کہ انہوں نے بیان فرمایا: ”جب ہم نبی کریم صلی اللہ علیہ وسلم کے پیچھے نماز پڑھتے ہوئے رکوع سے اپنے سر اٹھاتے تو ہم اس وقت تک مسلسل قیام کی حالت میں کھڑے رہتے جب تک کہ ہم نبی کریم صلی اللہ علیہ وسلم کو دیکھ نہ لیتے کہ آپ صلی اللہ علیہ وسلم سجدہ فرما چکے ہیں اور اپنا روئے مبارک زمین پر اچھی طرح جما چکے ہیں، پھر ہم اس کے بعد سجدہ کرتے تھے۔“
اور عبدالعزیز بن رفیع کی ایک انصاری بزرگ رضی اللہ عنہ سے مروی حدیث ان شاء اللہ تعالیٰ ’صفتِ نماز‘ کے بیان میں آگے آئے گی۔ [المطالب العالية بزوائد المسانيد الثمانية/كتاب الصلاة/حدیث: 417]