امام سالم بن عبداللہ بن عمر رحمہ اللہ سے روایت ہے کہ اللہ کے رسول صلی اللہ علیہ وسلم نے ارشاد فرمایا: ”میں قیامت کے دن (قبرِ انور سے) سیدنا ابوبکر اور سیدنا عمر رضی اللہ عنہما کے درمیان سے اٹھایا جاؤں گا، پھر میں بقیعِ غرقد (مدینہ منورہ کے قبرستان) والوں کی طرف جاؤں گا تو وہ بھی میرے ہمراہ اٹھائے جائیں گے، پھر میں اہلِ مکہ کا انتظار کروں گا یہاں تک کہ وہ میرے پاس پہنچ جائیں، چنانچہ اس طرح میں حرمینِ شریفین (مکہ و مدینہ) کے رہنے والوں کے درمیان سے اٹھایا جاؤں گا۔“
اس روایت کو امام حارث بن ابی اسامہ نے اپنی مسند (بغیۃ الباحث: 947) میں نقل کیا ہے، اس کی سند میں قاسم بن عبداللہ اور اسحاق بن بشر ضعیف راوی ہیں، تاہم اس مفہوم کی روایت امام ترمذی نے سنن ترمذی (3669) میں بھی روایت کی ہے جسے انہوں نے حسن غریب قرار دیا ہے۔ [المطالب العالية بزوائد المسانيد الثمانية/كتاب الفتوح/حدیث: 4567]