سیدنا ابوہریرہ رضی اللہ عنہ، سیدنا زید بن ثابت رضی اللہ عنہ سے روایت کرتے ہیں کہ انہوں نے رسول اللہ صلی اللہ علیہ وسلم کا یہ فرمانِ مبارک بیان فرمایا: ”اللہ تبارک و تعالیٰ اس وقت تک بندے کی حاجت روائی اور مدد فرماتا رہتا ہے جب تک وہ بندہ اپنے (مسلمان) بھائی کی ضرورت پوری کرنے اور اس کی معاونت میں مصروف رہتا ہے“، سیدنا زید رضی اللہ عنہ یہ حدیثِ مبارکہ اللہ کے رسول صلی اللہ علیہ وسلم کے حوالے سے بیان فرماتے تھے۔ [المطالب العالية بزوائد المسانيد الثمانية/كتاب الزكاة/حدیث: 983]