سیدنا انس رضی اللہ عنہ سے روایت ہے کہ رسول اللہ صلی اللہ علیہ وسلم نے ارشاد فرمایا: «مَنْ أَحَبَّ لِقَاءَ اللَّهِ، أَحَبَّ اللَّهُ لِقَاءَهُ، وَمَنْ كَرِهَ لِقَاءَ اللَّهِ، كَرِهَ اللَّهُ لِقَاءَهُ» ”جو شخص اللہ سے ملاقات کو پسند کرتا ہے، اللہ بھی اس سے ملاقات کو پسند فرماتا ہے، اور جو اللہ سے ملاقات کو ناپسند کرتا ہے، اللہ بھی اس سے ملاقات کو ناپسند فرماتا ہے“، صحابہ کرام نے عرض کیا: ”اے اللہ کے رسول صلی اللہ علیہ وسلم ! ہم سب ہی موت کو ناپسند کرتے ہیں“، آپ صلی اللہ علیہ وسلم نے فرمایا: ”اس کا مطلب موت کی (طبعی) کراہت نہیں ہے، بلکہ اصل معاملہ یہ ہے کہ مومن کے پاس جب اللہ کی طرف سے ان ابدی نعمتوں کی خوشخبری لانے والا فرشتہ آتا ہے جن کی طرف وہ منتقل ہو رہا ہے، تو وہ اللہ سے ملاقات کو پسند کرنے لگتا ہے اور اللہ بھی اس سے ملاقات کو پسند فرماتا ہے، جبکہ کافر - یا فاجر - کے پاس جب موت کا وقت آتا ہے اور اس کے سامنے وہ برا انجام پیش کیا جاتا ہے جس سے وہ دوچار ہونے والا ہے، تو وہ اللہ سے ملاقات کو ناپسند کرتا ہے اور اللہ بھی اس سے ملاقات کو ناپسند فرماتا ہے۔“ ابووھب کہتے ہیں کہ میرے علم کے مطابق حمید رحمہ اللہ نے یہ روایت نبی صلی اللہ علیہ وسلم کے حوالے ہی سے ذکر کی ہے۔ [مسند أبي يعلى الموصلي/مسند أنس بن مالك/حدیث: 3877]