سیدنا عبد اللہ بن سلام رضی اللہ عنہ سے روایت ہے کہ رسول اللہ صلی اللہ علیہ وسلم نے ارشاد فرمایا: ”میں قیامت کے دن اولادِ آدم کا سردار ہوں گا اور یہ بات میں بطورِ فخر نہیں کہہ رہا، اور میں ہی وہ پہلا شخص ہوں گا جس سے زمین (قبر) سب سے پہلے شق ہوگی، اور میں ہی پہلا شفاعت کرنے والا ہوں گا اور وہ پہلا شخص ہوں گا جس کی شفاعت قبول کی جائے گی، حمد کا جھنڈا میرے ہاتھ میں ہوگا، اور سیدنا آدم علیہ السلام اور ان کے علاوہ دیگر تمام لوگ میرے ہی جھنڈے کے نیچے ہوں گے۔“ [مسند أبي يعلى الموصلي/حديث عبد الله بن سلام/حدیث: 7493]