رسول اللہ صلی اللہ علیہ وسلم نے فرمایا: ”‏‏‏‏ہر دین کا ایک مزاج ہوتا ہے اور اسلام کا مزاج حیاء ہے۔“ یہ حدیث سیدنا انس رضی اللہ عنہ اور سیدنا عبداللہ بن عباس رضی اللہ عنہما سے روایت کی گئی ہے۔ [سلسله احاديث صحيحه/الاخلاق والبروالصلة/حدیث: 2353]

سیدنا ابوہریرہ رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا: ”حیاء ایمان سے ہے اور ایمان جنت میں (‏‏‏‏لے جانے والا) ہے اور بدکلامی و بدزبانی، اکھڑ مزاجی (‏‏‏‏بدخلقی) سے ہے اور اکھڑ مزاجی آگ میں (‏‏‏‏لے جانے والی) ہے۔“ [سلسله احاديث صحيحه/الاخلاق والبروالصلة/حدیث: 2354]

سیدنا عمر رضی اللہ عنہ بیان کرتے ہیں کہ نبی کریم صلی اللہ علیہ وسلم نے فرمایا: ”‏‏‏‏ تم شرم کرو، بیشک اللہ تعالیٰ حق بیان کرنے سے نہیں شرماتا، عورتوں کو پشت سے استعمال مت کرو۔“ [سلسله احاديث صحيحه/الاخلاق والبروالصلة/حدیث: 2355]