الحمدللہ ! قرآن پاک روٹ ورڈ سرچ اور مترادف الفاظ کی سہولت پیش کر دی گئی ہے۔
كتاب الفتن فتنوں کا بیان ایسا وقت بھی آئے گا جب امامت کرانے والا کوئی نہیں ہوگا
سیدہ سلامہ بنت الحر رضی اللہ عنہا نے بیان کیا، میں نے رسول اللہ صلی اللہ علیہ وسلم کو فرماتے ہوئے سنا: ”لوگوں پر ایک ایسا وقت بھی آئے گا کہ وہ ایک وقت تک کھڑے رہیں گے لیکن وہ کوئی امام نہیں پائیں گے کہ وہ انہیں نماز پڑھائے۔“
تخریج الحدیث: «سنن ابوداود، كتاب الصلاة، باب كراهية التدافع على الامامة، رقم: 581. سنن ابن ماجه، كتاب الاقامة، باب ما يجب على الامام، رقم: 982. قال الشيخ الالباني: ضعيف. مسند احمد: 381/6.»
عبدالرزاق بن ہمام بن نافع الصنعانی نے بیان کیا: میں نے اپنے والد کو بعض علماء سے بیان کرتے ہوئے سنا، انہوں نے کہا: نماز کے لیے اقامت ہو جائے گی، لوگ ایک دوسرے کو امامت کے لیے آگے بڑھائیں گے، پس یہ اسے کہے گا: آگے بڑھو اور وہ اسے کہے گا کہ آگے بڑھو، حتیٰ کہ انہیں زمین میں دھنسا دیا جائے گا۔
تخریج الحدیث: «الاحاد والمثاني: 189/6. 3418.»
|