حضرت عکرمہ فرماتے ہیں کہ عورت اپنے خاوند کے بچے ہوئے پانی سے بھی غسل کرسکتی ہے اور دونوں ایک ساتھ بھی پانی لے سکتے ہیں۔ [مصنف ابن ابي شيبه/كتاب الطهارة/حدیث: 380]

حضرت علی رضی اللہ عنہ فرماتے ہیں کہ نبی کریم صلی اللہ علیہ وآلہ وسلم اپنے گھر والوں کے ساتھ ایک ہی برتن سے غسل فرما لیا کرتے تھے۔ [مصنف ابن ابي شيبه/كتاب الطهارة/حدیث: 381]

حضرت ابو عمار فرماتے ہیں کہ جب مرد اور عورت ایک برتن سے غسل کرنا چاہیں تو ابتداء مرد کرے۔ [مصنف ابن ابي شيبه/كتاب الطهارة/حدیث: 382]

حضرت شعبی فرماتے ہیں کہ آدمی اور اس کی بیوی ایک برتن سے غسل کرسکتے ہیں۔ [مصنف ابن ابي شيبه/كتاب الطهارة/حدیث: 383]

حضرت جابر بن عبد اللہ رضی اللہ عنہ فرماتے ہیں کہ نبی کریم صلی اللہ علیہ وآلہ وسلم اور آپ کی ازواج ایک ہی برتن سے غسل فرما لیا کرتے تھے۔ [مصنف ابن ابي شيبه/كتاب الطهارة/حدیث: 384]

حضرت عائشہ رضی اللہ عنہا فرماتی ہیں کہ میں اور نبی کریم صلی اللہ علیہ وآلہ وسلم ایک برتن سے غسل کرلیا کرتے تھے لیکن ابتداء حضور صلی اللہ علیہ وآلہ وسلم ہی فرماتے تھے۔ [مصنف ابن ابي شيبه/كتاب الطهارة/حدیث: 385]