حضرت اسود فرماتے ہیں کہ حضرت بلال کی اذان کے آخری کلمات یہ تھے: لا الہ الا اللہ۔ [مصنف ابن ابي شيبه/كتاب الأذان والإقامة/حدیث: 2163]

حضرت ابراہیم اور حضرت شعبی فرماتے ہیں کہ حضرت بلال کی اذان کے آخری کلمات یہ ہوا کرتے تھے: اللَّہُ أَکْبَرُ، اللَّہُ أَکْبَرُ، لاَ إِلَہَ إِلاَّ اللَّہُ۔ [مصنف ابن ابي شيبه/كتاب الأذان والإقامة/حدیث: 2164]

حضرت عطاء فرماتے ہیں کہ حضرت ابو محذورہ نے حضرت محمد (صلی اللہ علیہ وآلہ وسلم)، حضرت ابوبکر اور حضرت عمر کے لئے اذان دی ہے، ان کی اذان کے آخری کلمات یہ ہوا کرتے تھے: اللَّہُ أَکْبَرُ، اللَّہُ أَکْبَرُ، لاَ إِلَہَ إِلاَّ اللَّہُ۔ [مصنف ابن ابي شيبه/كتاب الأذان والإقامة/حدیث: 2165]

ایک اور سند سے یونہی منقول ہے۔ [مصنف ابن ابي شيبه/كتاب الأذان والإقامة/حدیث: 2167]

حضرت عمر بن ذرّ فرماتے ہیں کہ میں نے حضرت ابراہیم کو فرماتے ہوئے سنا کہ وہ اذان کے آخر میں یہ کلمات کہا کرتے تھے: اللَّہُ أَکْبَرُ، اللَّہُ أَکْبَرُ، لاَ إِلَہَ إِلاَّ اللَّہُ۔ [مصنف ابن ابي شيبه/كتاب الأذان والإقامة/حدیث: 2170]

حضرت یزید فرماتے ہیں کہ حضرت ابو صادق اذان کے آخر میں یہ کلمات کہا کرتے تھے۔ اللہ اکبر اللہ اکبر لا الہ الا اللہ۔ انہوں نے فرمایا کہ حضرت بلال کی اذان کے بھی آخری کلمات یہی تھے۔ [مصنف ابن ابي شيبه/كتاب الأذان والإقامة/حدیث: 2171]

حضرت اسود بن یزید کہتے ہیں کہ حضرت ابو محذورہ کی اذان کے آخری کلمات یہ ہوا کرتے تھے: اللَّہُ أَکْبَرُ، اللَّہُ أَکْبَرُ، لاَ إِلَہَ إِلاَّ اللَّہُ۔ [مصنف ابن ابي شيبه/كتاب الأذان والإقامة/حدیث: 2172]