حضرت ابن سیرین فرماتے ہیں کہ حضرت ابن مسعود ظہر اور عصر کی پہلی دو رکعتوں میں سورة الفاتحہ اور اس کے ساتھ کوئی سورت پڑھتے تھے اور دوسری دو رکعتوں میں صرف سورة الفاتحہ کی تلاوت کرتے تھے۔ [مصنف ابن ابي شيبه/كتاب الصلوات/حدیث: 3761]

حضرت شعبی فرماتے ہیں کہ حضرت عمر نے حضرت شریح کو خط لکھا کہ پہلی دو رکعتوں میں سورة الفاتحہ اور کوئی دوسری سورت اور دوسری دو رکعتوں میں صرف سورة الفاتحہ کی تلاوت کریں۔ [مصنف ابن ابي شيبه/كتاب الصلوات/حدیث: 3762]

حضرت محمد بن ابراہیم فرماتے ہیں کہ میں نے ہشام بن اسماعیل کو منبر رسول (صلی اللہ علیہ وآلہ وسلم) پر یہ فرماتے ہوئے سنا ہے کہ حضرت ابو الدرداء فرمایا کرتے تھے کہ ظہر کی پہلی دو رکعتوں میں سورة الفاتحہ اور کوئی سورت پڑھو اور دوسری دو رکعتوں میں صرف سورۃ ا لفاتحہ پڑھو۔ عصر کی پہلی دو رکعتوں میں سورة الفاتحہ اور کوئی سورت پڑھو اور دوسری دو رکعتوں میں صرف سورۃ ا لفاتحہ پڑھو۔ مغرب کی آخری رکعت اور عشاء کی آخری دونوں رکعتوں میں صرف سورة الفاتحہ پڑھو۔ [مصنف ابن ابي شيبه/كتاب الصلوات/حدیث: 3763]

حضرت ابو الدرداء فرمایا کرتے تھے کہ ظہر اور عصر کی پہلی دو رکعتوں میں سورة الفاتحہ اور کوئی سورت پڑھو اور دوسری دو رکعتوں میں صرف سورۃ ا لفاتحہ پڑھو۔ مغرب کی آخری رکعت اور عشاء کی آخری دونوں رکعتوں میں صرف سورة الفاتحہ پڑھو۔ [مصنف ابن ابي شيبه/كتاب الصلوات/حدیث: 3764]

حضرت علی رضی اللہ عنہ فرمایا کرتے تھے کہ امام اور مقتدی ظہر اور عصر کی نماز کی پہلی دو رکعتوں میں سورۃ الفاتحہ اور کوئی سورت پڑھی اور دوسری دو رکعتوں میں صرف سورة الفاتحہ پڑھیں۔ [مصنف ابن ابي شيبه/كتاب الصلوات/حدیث: 3765]

حضرت صنابحی کہتے ہیں کہ میں نے حضرت ابو بکرکے ساتھ مغرب کی نماز پڑھی، میں ان کے اتنا قریب تھا کہ میرے کپڑے ان کے کپڑوں سے لگ رہے تھے۔ انہوں نے تیسری رکعت میں سورۃ الفاتحہ پڑھی اور پھر کہا { رَبَّنَا لاَ تُزِغْ قُلُوبَنَا بَعْدَ إذْ ہَدَیْتنَا }۔ [مصنف ابن ابي شيبه/كتاب الصلوات/حدیث: 3766]

حضرت جابر فرماتے ہیں کہ پہلی دو رکعتوں میں سورۃ الفاتحہ اور کوئی سورت پڑھی جائے گی اور دوسری دو رکعتوں میں صرف سورۃ ا لفاتحہ پڑھی جائے گی۔ ہم آپس میں یہ گفتگو کیا کرتے تھے کہ سورة الفاتحہ اور اس کے ساتھ کچھ ملائے بغیر نماز نہیں ہوتی۔ [مصنف ابن ابي شيبه/كتاب الصلوات/حدیث: 3767]

حضرت ابو مالک فرماتے ہیں کہ حضور صلی اللہ علیہ وآلہ وسلم ظہر اور عصر کی تمام رکعات میں قراءت فرماتے تھے۔ [مصنف ابن ابي شيبه/كتاب الصلوات/حدیث: 3768]

حضرت نافع فرماتے ہیں کہ حضرت ابن عمر رضی اللہ عنہما تمام رکعات میں قراءت فرماتے تھے اور تمام رکعات کو برابر رکھتے تھے۔ [مصنف ابن ابي شيبه/كتاب الصلوات/حدیث: 3769]

حضرت عمر بن ابی سحیم فرماتے ہیں کہ حضرت عبدا للہ بن مغفل سری نمازوں کے بارے میں امام کو حکم دیتے تھے کہ پہلی دو رکعتوں میں سورة الفاتحہ اور کوئی سورت پڑھے اور دوسری دو رکعتوں میں صرف سورۃ الفاتحہ پڑھے۔ [مصنف ابن ابي شيبه/كتاب الصلوات/حدیث: 3770]