حضرت ابو ہریرہ رضی اللہ عنہ سے مروی ہے کہ نبی کریم صلی اللہ علیہ وآلہ وسلم نے ارشاد فرمایا: اپنے مردوں کو لا الہ الا اللہ کی تلقین کرو۔ [مصنف ابن ابي شيبه/كتاب الجنائز/حدیث: 11168]

حضرت عمر فرماتے ہیں اپنے مردوں کے پاس حاضر ہوا کرو اور ان کو لا الہ الا اللہ یاد دلایا کرو (تلقین کیا کرو) بیشک وہ دیکھتے ہیں اور ان سے کہا جاتا ہے۔ [مصنف ابن ابي شيبه/كتاب الجنائز/حدیث: 11169]

حضرت عائشہ رضی اللہ عنہا ارشاد فرماتی ہیں کہ نبی کریم صلی اللہ علیہ وآلہ وسلم نے ارشاد فرمایا: اپنے مردوں کو لا الہ الا اللہ کی تلقین کرو۔ [مصنف ابن ابي شيبه/كتاب الجنائز/حدیث: 11170]

حضرت ابراہیم فرماتے ہیں حضرت علقمہ کا جب نزع کا وقت آیا تو آپ نے فرمایا میرے پاس وہ بیٹھے جو مجھے لا الہ الا اللہ یاد دلائے اور اسکی تلقین کرے۔ [مصنف ابن ابي شيبه/كتاب الجنائز/حدیث: 11171]

حضرت ابراہیم فرماتے ہیں کہ حضرت علقمہ نے حضرت اسود کو وصیت فرمائی کہ مجھے لا الہ الا اللہ کی تلقین کرو۔ [مصنف ابن ابي شيبه/كتاب الجنائز/حدیث: 11172]

حضرت عمر ارشاد فرماتے ہیں اپنے مردوں کو لا الہ الا اللہ کے تلقین کرو۔ [مصنف ابن ابي شيبه/كتاب الجنائز/حدیث: 11173]

حضرت ابن جریج فرماتے ہیں کہ میں نے حضرت عطاء سے پوچھا کہ میت کو تلقین کرنا مستحب ہے؟ آپ نے فرمایا جی ہاں اچھا ہے اور میں بھی اس کو پسند کرتا ہوں۔ [مصنف ابن ابي شيبه/كتاب الجنائز/حدیث: 11174]

حضرت ابراہیم فرماتے ہیں کہ جب آدمی کی بیماری بڑھ جائے تو وہ (صحابہ کرام) پسند کرتے تھے کہ اس کو تنہا نہ چھوڑا جائے اور اس کی مدد کی جائے، جب کچھ لوگ چلیں جائیں تو دوسرے آجائیں اور اس کو لا الہ الا اللہ کی تلقین کریں۔ [مصنف ابن ابي شيبه/كتاب الجنائز/حدیث: 11175]

حضرت ابو سعید الخدری سے مروی ہے کہ رسول کریم (صلی اللہ علیہ وآلہ وسلم) نے ارشاد فرمایا: اپنے مرنے والوں کو لا الہ الا اللہ کی تلقین کرو۔ [مصنف ابن ابي شيبه/كتاب الجنائز/حدیث: 11176]

حضرت ابراہیم فرماتے ہیں کہ حضرت اسود نے ایک شخص کو وصیت فرمائی اور کہا: اگر تو استطاعت رکھے اس بات کی کہ میرا آخری کلمہ لا الہ الا اللہ ہوجائے تو ایسا ضرور کرنا اور میری قبر کو پختہ نہ بنانا۔ [مصنف ابن ابي شيبه/كتاب الجنائز/حدیث: 11177]