حضرت جریر سے مرفوعا مروی ہے کہ نبی کریم صلی اللہ علیہ وآلہ وسلم نے ارشاد فرمایا: لحد ھمارے لیے ہے اور شق ہمارے غیر کے لیے ہے۔ [مصنف ابن ابي شيبه/كتاب الجنائز/حدیث: 11979]

حضرت حفص اپنے والد سے روایت کرتے ہیں کہ نبی کریم صلی اللہ علیہ وآلہ وسلم کے لیے لحد (بغلی قبر) بنائی گئی۔ [مصنف ابن ابي شيبه/كتاب الجنائز/حدیث: 11980]

حضرت نافع فرماتے ہیں کہ نبی کریم صلی اللہ علیہ وآلہ وسلم، حضرت ابوبکر صدیق اور حضرت عمر کے لیے لحد قبر کھودی گئی، پھر تم نے اس پر فخر کیا۔ [مصنف ابن ابي شيبه/كتاب الجنائز/حدیث: 11981]

حضرت ابراہیم فرماتے ہیں کہ رسول اللہ صلی اللہ علیہ وآلہ وسلم کو لحد میں دفن کیا گیا۔ [مصنف ابن ابي شيبه/كتاب الجنائز/حدیث: 11982]

حضرت ہشام بن عروہ فقہاء اھل مدینہ سے روایت کرتے ہیں کہ مدینہ میں دو شخص تھے جو قبریں کھودا کرتے تھے، ان میں سے ایک شق والی قبر بناتا تھا اور دوسرا لحد والی، جب نبی کریم صلی اللہ علیہ وآلہ وسلم نے اس دنیا سے پردہ فرمایا تو صحابہ کرام نے فرمایا جاؤ جا کر ان میں سے جو بھی نظر آئے اسے کہو کہ آ کر اپنا کام کرے۔ پھر وہ شخص آیا جو لحد کھودا کرتا تھا، صحابہ کرام نے اس کو حکم دیا کہ نبی کریم صلی اللہ علیہ وآلہ وسلم کے لیے لحد کھودے۔ [مصنف ابن ابي شيبه/كتاب الجنائز/حدیث: 11983]

حضرت عبد الرحمن بن قاسم اپنے والد سے روایت کرتے ہیں کہ جب نبی اکرم (صلی اللہ علیہ وآلہ وسلم) کی وفات ہوئی تو تمام صحابہ کرام جمع ہوگئے، ایک شخص تھا جو لحد والی قبریں بناتا تھا اور دوسرا شخص شق والی قبریں، صحابہ کرام نے دعا فرمائی اے اللہ! ان میں سے کسی ایک کو چن لے (اختیار فرما) تو جو شخص لحد والی قبریں کھودتا تھا وہ آیا اور آپ صلی اللہ علیہ وآلہ وسلم کے لیے لحد والی قبر کھودی۔ [مصنف ابن ابي شيبه/كتاب الجنائز/حدیث: 11984]

حضرت ابو جعفر، حضرت سالم، اور حضرت قاسم فرماتے ہیں نبی کریم صلی اللہ علیہ وآلہ وسلم، ابوبکر صدیق، اور حضرت عمر کی مبارک قبور قبلہ کی طرف جھکی ہوئی (رخ قبلہ کی طرف ہیں) اور ان میں (کچی) اینٹیں نصب ہیں اور وہ لحد کی صورت میں کھو دی گئی ہیں۔ [مصنف ابن ابي شيبه/كتاب الجنائز/حدیث: 11985]

حضرت عبد اللہ بن عمر رضی اللہ عنہما ارشاد فرماتے ہیں نبی کریم صلی اللہ علیہ وآلہ وسلم، ابوبکر صدیق، اور حضرت عمر کے لیے بغلی قبر بنائی گئی۔ [مصنف ابن ابي شيبه/كتاب الجنائز/حدیث: 11986]

حضرت ابراہیم فرماتے ہیں کہ آنحضرت صلی اللہ علیہ وآلہ وسلم کے لیے بغلی قبر بنائی گئی۔ [مصنف ابن ابي شيبه/كتاب الجنائز/حدیث: 11987]

حضرت مغیرہ فرماتے ہیں کہ حضرت ابراہیم شق والی قبر کو ناپسند فرماتے تھے اور فرماتے تھے بغلی قبر بنائی جائے۔ [مصنف ابن ابي شيبه/كتاب الجنائز/حدیث: 11988]