حضرت ابو اسحاق اپنے والد سے اور وہ انصار کے شیوخ سے روایت کرتے ہں کہ غزوہ احد کے دن نبی کریم صلی اللہ علیہ وآلہ وسلم کے پاس حضرت عبد اللہ بن عمرو رضی اللہ عنہ بن حرام اور عمرو بن جموح کی لاشیں لائی گئیں، آپ صلی اللہ علیہ وآلہ وسلم نے فرمایا: ان دونوں کو ایک ہی قبر میں دفن کردو۔ بیشک یہ دونوں دنیا مں ل سچے دوست اور ساتھی تھے۔ [مصنف ابن ابي شيبه/كتاب الجنائز/حدیث: 12008]

حضرت جابر بن عبد اللہ رضی اللہ عنہ سے مروی ہے کہ جنگ احد کے دن نبی کریم صلی اللہ علیہ وآلہ وسلم کے پاس دو شھیدوں کی لاشیں لائی جاتیں ایک ہی قبر میں دفنانے کے لئے تو آپ صلی اللہ علیہ وآلہ وسلم دریافت فرماتے: دونوں میں سے کس کو قرآن کا زیادہ حصہ یاد تھا؟ جب ان میں سے کسی ایک کی طرف اشارہ کیا جاتا تو آپ صلی اللہ علیہ وآلہ وسلم اس کو لحد میں مقدم کرتے۔ [مصنف ابن ابي شيبه/كتاب الجنائز/حدیث: 12009]

حضرت حسن فرماتے ہیں دو شخصوں (لاشوں) کا ایک ہی قبر میں دفن کرنا ناپسندیدہ ہے۔ [مصنف ابن ابي شيبه/كتاب الجنائز/حدیث: 12010]

حضرت انس سے مروی ہے کہ نبی کریم صلی اللہ علیہ وآلہ وسلم ارشاد فرماتے: دیکھو دونوں میں سے کس کو قرآن پاک کا زیادہ حصہ یاد تھا، اس کو لحد میں مقدم کرو۔ [مصنف ابن ابي شيبه/كتاب الجنائز/حدیث: 12011]

حضرت عبد الرحمن بن کعب بن مالک اپنے والد سے روایت کرتے ہیں آنحضرت صلی اللہ علیہ وآلہ وسلم ایک ہی لحد (قبر) میں دو تین شخصوں کو جمع فرماتے۔ [مصنف ابن ابي شيبه/كتاب الجنائز/حدیث: 12012]