حضرت ابن عون فرماتے ہیں کہ میں نے حضرت محمد سے دریافت کیا کہ جب میں میت کو قبر میں اتاروں تو کیا کہوں؟ آپ نے فرمایا کچھ نہیں۔ [مصنف ابن ابي شيبه/كتاب الجنائز/حدیث: 12059]

حضرت عاصم بن حمزہ فرماتے ہیں کہ حضرت علی رضی اللہ عنہ کرم اللہ وجہہ سوتے وقت اور میت کو قبر میں اتارتے وقت یوں فرماتے: بِسْمِ اللہِ وَفی سَبِیلِ اللہِ، وَعَلَی مِلَّۃِ رَسُولِ اللہِ صَلَّی اللَّہُ عَلَیْہِ وَسَلَّمَ۔ ”اللہ کے نام کے ساتھ، اللہ کے راستے میں اور رسول اللہ صلی اللہ علیہ وآلہ وسلم کی ملت پر۔“ [مصنف ابن ابي شيبه/كتاب الجنائز/حدیث: 12060]