حضرت ابو البداح بن عدی کے والد سے مروی ہے کہ نبی کریم صلی اللہ علیہ وآلہ وسلم نے چرواہوں کو اجازت دی ہے کہ وہ ایک دن رمی کریں اور ایک دن رمی کو چھوڑ دیں۔ [مصنف ابن ابي شيبه/كتاب الحج/حدیث: 14672]

حضرت عطاء سے مروی ہے کہ نبی کریم صلی اللہ علیہ وآلہ وسلم نے چرواہوں کو اجازت دی ہے کہ وہ رات میں رمی کرلیں۔ [مصنف ابن ابي شيبه/كتاب الحج/حدیث: 14673]

حضرت عطاء سے مروی ہے کہ حضرت عمر نے چرواہوں کو رخصت دی تھی کہ وہ رات منیٰ میں گزار لیں، راوی کہتے ہیں کہ میں نے حضرت زہری سے اس کا ذکر کیا؟ آپ نے فرمایا کہ چرواہے رات میں رمی تو کرتے تھے لیکن رات وہاں نہیں گزارتے تھے۔ [مصنف ابن ابي شيبه/كتاب الحج/حدیث: 14674]

حضرت ابن عمر رضی اللہ عنہما نے جمرات کی رمی کو ایک مرتبہ اونٹوں کے چرواہوں کے درمیان اس طرح بنایا کہ آپ نے حکم فرمایا جو ان کے پاس تھے، تو انھوں نے سورج کے زائد ہونے پر رمی کی پھر وہ اپنے اونٹوں کے پاس چلے گئے، اور وہ چرواہے آگئے جو اونٹوں کے پاس تھے، پھر وہ ٹھہرے رہے یہاں تک کہ اگلی صبح زوال شمس کے بعد انھوں نے رمی کی۔ [مصنف ابن ابي شيبه/كتاب الحج/حدیث: 14676]