حضرت حماد بن ابی دردائ رحمہ اللہ کہتے ہیں کہ میں نے حضر ت شعبی رحمہ اللہ سے سوال کیا کہ کیا کوئی شخص اپنی بہن کی شادی کراسکتا ہے جبکہ وہ اسے ناپسند کرتی ہو؟ انہوں نے فرمایا کہ لڑکی اپنے نفس کی اپنے بھائی سے زیادہ حقدار ہے۔ میں نے پوچھا کہ اگر وہ اس کا سگا بھائی ہو تو کیا حکم ہے؟ انہوں نے فرمایا کہ لڑکی کو اگر رشتہ ناپسندہو تو وہ اپنے باپ سے بھی زیادہ اپنے نفس کی حقدار ہے۔ [مصنف ابن ابي شيبه/كتاب النكاح/حدیث: 18291]

حضرت حسن رحمہ اللہ فرماتے ہیں کہ اگر کسی شخص نے اپنے باپ کی غیر موجودگی میں اپنی بہن کی شادی کرائی تو اس کا معاملہ اس کے باپ کے سپرد ہوگا۔ [مصنف ابن ابي شيبه/كتاب النكاح/حدیث: 18292]