حضرت ابن عباس رضی اللہ عنہما فرماتے ہیں کہ بچے کی طلاق نہیں ہوتی۔ [مصنف ابن ابي شيبه/كتاب الطلاق/حدیث: 18895]

حضرت شعبی رحمہ اللہ فرماتے ہیں کہ بچے کی طلاق نہیں ہوتی۔ [مصنف ابن ابي شيبه/كتاب الطلاق/حدیث: 18896]

حضرت سعید بن مسیب رحمہ اللہ فرماتے ہیں کہ جب بچے کو نماز اور روزے کی تمیز ہوجائے تو اس کی طلاق درست ہے اور حضرت حسن رحمہ اللہ فرماتے ہیں کہ اس کے بالغ ہونے تک اس کی طلاق نہیں ہوتی۔ [مصنف ابن ابي شيبه/كتاب الطلاق/حدیث: 18897]

حضرت اسماعیل بن عنزی رحمہ اللہ فرماتے ہیں کہ میں ایک نابالغ بچہ تھا، میں نے طلاق دے دی اور اس بارے میں حضرت سعید بن مسیب رحمہ اللہ سے سوال کیا تو انہوں نے فرمایا کہ اگر تم نے نماز یاد کرلی ہے اور رمضان کے روزے رکھے ہیں تو تمہاری طلاق جائز ہے۔ [مصنف ابن ابي شيبه/كتاب الطلاق/حدیث: 18899]

حضرت علی رضی اللہ عنہ بن مالک رحمہ اللہ فرماتے ہیں کہ میں نے حضرت شعبی رحمہ اللہ سے سوال کیا کہ اگر کوئی بچہ تین طلاقیں دے دے تو کیا حکم ہے؟ انہوں نے فرمایا کہ اگر اسے اس بات کی سمجھ نہ ہوتی کہ تین طلاقوں سے جدائی ہوجاتی ہے تو میں اسے کچھ نہ سمجھتا۔ [مصنف ابن ابي شيبه/كتاب الطلاق/حدیث: 18900]

حضرت علی رضی اللہ عنہ فرماتے ہیں کہ بچوں کے نکاح کو پوشیدہ رکھو۔ [مصنف ابن ابي شيبه/كتاب الطلاق/حدیث: 18901]

ایک اور سند سے یونہی منقول ہے۔ [مصنف ابن ابي شيبه/كتاب الطلاق/حدیث: 18902]

حضرت ضحاک رحمہ اللہ فرماتے ہیں کہ بچوں کے نکاح کو پوشیدہ رکھو۔ اور فرماتے ہیں کہ ہر طلاق جائز ہے سوائے معتوہ اور ایسے شخص کی طلاق جسے برسم ہو یعنی ایسی بیماری میں جس میں انسان الٹی سیدھی باتیں کرنے لگتا ہے۔ [مصنف ابن ابي شيبه/كتاب الطلاق/حدیث: 18903]

حضرت شعبی رحمہ اللہ فرماتے ہیں کہ بچے کی آزادی اور نکاح اور کسی دوسری چیز کا کوئی اعتبار نہیں ہے۔ [مصنف ابن ابي شيبه/كتاب الطلاق/حدیث: 18904]