حضرت ابن عباس رضی اللہ عنہما فرماتے ہیں کہ مجھے یہ بات پسند ہے کہ میں عورت کے لیے خوبصورت بنوں جس طرح مجھے یہ بات پسند ہے کہ وہ میرے لئے خوبصورتی اختیار کرے۔ اس لئے کہ اللہ تعالیٰ فرماتے ہیں کہ ان کے لئے بھی وہ حقوق ہیں جو ان پر ذمہ داریاں ہیں۔ اور میں یہ بھی نہیں چاہتا کہ میں اس سے اپنا حق پورا پورا لوں کیونکہ اللہ تعالیٰ فرماتے ہیں کہ مردوں کا عورتوں پر ایک درجہ ہے۔ [مصنف ابن ابي شيبه/كتاب الطلاق/حدیث: 20404]

حضرت زید بن اسلم رحمہ اللہ قرآن مجید کی آیت { وَلِلرِّجَالِ عَلَیْہِنَّ دَرَجَۃٌ} کی تفسیر میں فرماتے ہیں کہ اس سے مراد حکم چلانا ہے۔ [مصنف ابن ابي شيبه/كتاب الطلاق/حدیث: 20405]

حضرت محمد رحمہ اللہ قرآن مجید کی آیت { للرجال علیھن درجۃ } کی تفسیر میں فرماتے ہیں کہ اس سے مرادسوائے اس کے میں کچھ نہیں جانتا کہ جو عورتوں کے فرائض ہیں وہی مردوں کے بھی فرائض ہیں۔ جب وہ اس درجہ کو پہچان لیں۔ [مصنف ابن ابي شيبه/كتاب الطلاق/حدیث: 20406]

حضرت مالک رحمہ اللہ قرآن مجید کی آیت { للرجال علیھن درجۃ } کی تفسیر میں فرماتے ہیں کہ اس سے مرادیہ ہے کہ وہ اس کو طلاق دے سکتا ہے لیکن عورت کے ہاتھ میں طلاق کا اختیار نہیں ہے۔ [مصنف ابن ابي شيبه/كتاب الطلاق/حدیث: 20407]

حضرت مجاہد رحمہ اللہ قرآن مجید کی آیت { للرجال علیھن درجۃ } کی تفسیر میں فرماتے ہیں کہ اس سے مراد اللہ کا فضل ہے جو اللہ تعالیٰ نے مرد کو جہاد، میراث اور دوسرے احکامات میں عطا کیا ہے۔ [مصنف ابن ابي شيبه/كتاب الطلاق/حدیث: 20408]