حضرت مغیرہ رحمہ اللہ کہتے ہیں کہ میں نے حضرت ابراہیم رحمہ اللہ سے سوال کیا کہ اگر نامکمل بچہ پیدا ہوجائے تو کیا عدت مکمل ہوجائے گی؟ انہوں نے فرمایا کہ ہاں عدت مکمل ہوجائے گی۔ [مصنف ابن ابي شيبه/كتاب الطلاق/حدیث: 20417]

حضرت عامر رحمہ اللہ فرماتے ہیں کہ نامکمل بچہ پورے بچے کے حکم میں ہے۔ [مصنف ابن ابي شيبه/كتاب الطلاق/حدیث: 20418]

حضرت حسن رضی اللہ عنہ اور حضرت محمد رحمہ اللہ فرماتے ہیں کہ جب عورت نے نامکمل بچے کو جنم دیا تو اس کی عدت مکمل ہوگئی۔ [مصنف ابن ابي شيبه/كتاب الطلاق/حدیث: 20419]

حضرت شریح رحمہ اللہ فرماتے ہیں کہ جب عورت نے نامکمل بچے کو جنم دیا تو آزاد عورت کی عدت مکمل ہوگئی اور باندی آزاد ہوگئی۔ [مصنف ابن ابي شيبه/كتاب الطلاق/حدیث: 20420]

حضرت حارث رضی اللہ عنہ فرماتے ہیں کہ عدت گزارنے والی عورت اگر ناتمام بچے جو جنم دے تو وہ خاوند کے لئے حلال ہوگئی اور ابن شبرمہ رحمہ اللہ فرماتے ہیں کہ اگر بچہ اتناہو کہ اس کا انسان ہونا معلوم ہوسکے تو عدت مکمل ہوگئی۔ [مصنف ابن ابي شيبه/كتاب الطلاق/حدیث: 20421]

حضرت حسن رضی اللہ عنہ فرماتے ہیں کہ جب عورت نے بچے کو جما ہوا خون یالوتھڑا ہونے کی حالت میں جنم دیا بعد اس کے کہ حمل ہونا معلوم ہوچکا تھا تو اس میں غرہ ہے۔ اور اس سے عدت پوری ہوجائے گی اور اگر ام ولد ہو توآزاد ہوجائے گی۔ [مصنف ابن ابي شيبه/كتاب الطلاق/حدیث: 20423]