حضرت عبد اللہ فرماتے ہیں کہ جب مکاتب نے بدل کتابت کا کچھ حصہ ادا کردیا تو وہ غلامی میں واپس نہیں جاسکتا۔ [مصنف ابن ابي شيبه/كتاب البيوع والأقضية/حدیث: 21809]

حضرت عبد اللہ رضی اللہ عنہ فرماتے ہیں کہ جب مکاتب نے اپنے بدل کتابت کا ایک ثلث ادا کردیا تو وہ مقروض ہے۔ [مصنف ابن ابي شيبه/كتاب البيوع والأقضية/حدیث: 21810]

حضرت عروہ فرماتے ہیں کہ جب مکاتب نے بدل کتابت کا نصف ادا کردیا تو وہ مقروض ہے۔ [مصنف ابن ابي شيبه/كتاب البيوع والأقضية/حدیث: 21812]

حضرت عروہ فرماتے ہیں کہ مروان یہ فیصلہ دیا کرتا تھا کہ جب مکاتب اپنا نصف بدل کتابت ادا کردے تو باقی قرض ہے، میں نے اس بات کا عبد الملک بن مروان سے تذکرہ کیا تو اس نے اسے ماننے سے انکار کردیا۔ [مصنف ابن ابي شيبه/كتاب البيوع والأقضية/حدیث: 21813]

حضرت عمر رضی اللہ عنہ فرماتے ہیں کہ تم مکاتب غلاموں کو مکاتب بناتے ہو جب وہ نصف بدل کتابت ادا کردے تو غلامی میں واپس نہیں جاسکتا۔ [مصنف ابن ابي شيبه/كتاب البيوع والأقضية/حدیث: 21814]

حضرت علی رضی اللہ عنہ فرماتے ہیں کہ پہلی قسط کی ادائیگی سے ہی اس میں آزادی آجائے گی۔ [مصنف ابن ابي شيبه/كتاب البيوع والأقضية/حدیث: 21815]

حضرت حسن فرماتے ہیں کہ اگر کوئی مکاتب کچھ بدل کتابت دینے کے بعد عاجز آگیا اور اس کے مالکوں نے اس پر کوئی شرط لگائی تو وہ باطل ہوگی، جب اس نے آدھابدلِ کتابت ادا کردیا تو وہ مقروض ہوگا۔ [مصنف ابن ابي شيبه/كتاب البيوع والأقضية/حدیث: 21816]

حضرت محمد بن زیاد فرماتے ہیں کہ جب اس نے آدھابدلِ کتابت ادا کردیا تو وہ مقروض ہوگا۔ [مصنف ابن ابي شيبه/كتاب البيوع والأقضية/حدیث: 21817]

حضرت ابراہیم فرماتے ہیں کہ جب اس نے ایک تہائی یا ربع یا نصف ادا کردیا تو اب وہ اسے غلام نہیں بناسکتے۔ [مصنف ابن ابي شيبه/كتاب البيوع والأقضية/حدیث: 21818]