حضرت ابوہریرہ رضی اللہ عنہ سے مروی ہے کہ آنحضرت صلی اللہ علیہ وسلم نے ارشاد فرمایا: جو شخص مصراۃ بکری خریدے (ایسی بکری جس کے مالک نے اس کو فروخت کرنے سے کچھ دن پہلے اس کا دودھ نکالنا چھوڑ دیا ہو تاکہ خریدار کو اس کا دودھ زیادہ لگے) اس کو اختیار ہے، اگر چاہے تو وہ بکری واپس کر دے اور جو دودھ اس نے استعمال کیا ہے اس کے بدلے میں ایک صاع کھجور دے دے۔ [مصنف ابن ابي شيبه/كتاب البيوع والأقضية/حدیث: 23544]

نبی کریم صلی اللہ علیہ وسلم کا ارشاد ہے کہ جو مصراۃ بکری خریدے اس کو دو باتوں کا اختیار ہے، اگر اس کو واپس کرنا ہے تو ساتھ ایک صاع کھجور یا ایک صاع گندم دے دے۔ [مصنف ابن ابي شيبه/كتاب البيوع والأقضية/حدیث: 23545]

حضرت عبد اللہ فرماتے ہیں کہ جو شخص محفلہ بکری خریدے تو وہ اس کو واپس کر دے اور ساتھ ایک صاع گندم وغیرہ دے دے۔ [مصنف ابن ابي شيبه/كتاب البيوع والأقضية/حدیث: 23546]